Parveen Shakir Sad Urdu Shayari | Ghazal Poetry Collection

Parveen Shakir Sad Urdu Shayari 

Today we are share Parveen Shakir  Sad Poetry with you. Parveen Shakir  is most popular Pakistani urdu Poet.  Parveen Shakir poetry is very heart touching poetry. So if you are poetry lovers stay with us. We will post Sad Urdu Shayari, Jaun Elia Poetry, Faiz Ahmad Faiz poetry, Love Poetry in urdu and more.

ڈسنے لگے ہیں خواب مگر کِس سے بولیے

میں جانتی تھی، پال رہی ہوں سنپولیے!

بس یہ ہُوا کہ اُس نے تکلّف سے بات کی

اور ہم نے روتے روتے دوپٹے بھگو لیے

پلکوں پہ کچی نیندوں کا رَس پھیلتا ہو جب

ایسے میں آنکھ دھُوپ کے رُخ کیسے کھولیے

تیری برہنہ پائی کے دُکھ بانٹتے ہُوئے

ہم نے خُود اپنے پاؤں میں کانٹے چبھو لیے

میں تیرا نام لے کے تذبذب میں پڑ گئی

سب لوگ اپنے اپنے عزیزوں کو رو لیے!

’’خوشبو کہیں نہ جائے‘‘ یہ اصرار ہے بہت

اور یہ بھی آرزو کہ ذرا زُلف کھولیے

تصویر جب نئی ہے ، نیا کینوس بھی ہے

پھر طشتری میں رنگ پُرانے نہ گھولیے

# پروین شاکر

ذرے سرکش ہُوئے ، کہنے میں ہوائیں بھی نہیں

آسمانوں پہ کہیں تنگ نہ ہو جائے زمیں

آ کے دیوار پہ بیٹھی تھیں کہ پھر اُڑ نہ سکیں

تتلیاں بانجھ مناظر میں نظر بند ہُوئیں

پیڑ کی سانسوں میں چڑیا کا بدن کھنچتا گیا

نبض رُکتی گئی ، شاخوں کی رگیں کھلتی گئیں

ٹوٹ کر اپنی اُڑانوں سے ، پرندے آئے

سانپ کی آنکھیں درختوں پہ بھی اب اُگنے لگیں

شاخ در شاخ اُلجھتی ہیں رگیں پَیڑوں کی

سانپ سے دوستی ، جنگل میں نہ بھٹکائے کہیں

گود لے لی ہے چٹانوں نے سمندر سے نمی

جھوٹے پھُولوں کے درختوں پہ بھی خوشبوئیں ٹکیں

# پروین شاکر

تمام رات میرے گھر کا ایک در کھُلا رہا

میں راہ دیکھتی رہی وہ راستہ بدل گیا

وہ شہر ہے کہ جادوگرنیوں کا کوئی دیس ہے

وہاں تو جو گیا،کبھی بھی لوٹ کر نہ آ سکا

میں وجہِ ترکِ دوستی کو سُن کر مُسکرائی تو

وہ چونک اُٹھا۔عجب نظر سے مجھ کو دیکھنے لگا

بچھڑ کے مُجھ سے، خلق کو عزیز ہو گیا ہے تُو

مجھے تو جو کوئی ملا، تجھی کو پُوچھتا رہا

وہ دلنواز لمحے بھی گئی رُتوں میں آئے۔ جب

میں خواب دیکھتی رہی، وہ مجھ کو دیکھتا رہا

وہ جس کی ایک پل کی بے رُخی بھی دل کو بار تھی

اُسے خود اپنے ہاتھ سے لکھا ہے۔مجھ کو بھُول جا

دمک ر ہا ہے ایک چاند سا جبیں پہ اب تلک

گریز پا محبتوں کا کوئی پل ٹھہر گیا

# پروین شاکر

So if you are poetry lovers stay with us. We will post Sad Urdu Shayari, Jaun Elia Poetry, Faiz Ahmad Faiz poetry, Love Poetry in urdu and more.